KAZETARITZA HIZKUNTZA

Kazetari lanak egingo ditugunez gero, ondo barneraturik eduki behar dugu zertan datzan gauza bakoitzak...

Horrexegatik, ondorengo dossierra irakurtzen joango gara eta bertan proposatzen dena, gure koadernoan erantzuten.

Hona hemen dossierra.

ARIKETAK

Sortuko dugun aldizkarian murgiltzen joateko, honako ariketa hauek burutuko ditugu:

1. Alderatu ALDIZKARIAK eta EGUNKARIAK honako irizpide hauen arabera:

• Aldikotasuna: egunkari, astekari, hilekari...
• Formatua: tamaina, luzera, koloreak...
• Gaiak: gai jakin bati buruzkoak, gai desberdinak lantzen dituena...
• Generoak: albistea, erreportajea, iritzi artikuluak, elkarrizketak...
• Lurralde eremua: nazionala, lokala...

Bi argitalpen ereduen arteko erkaketa egiteko garrantzitsua da bataren eta bestearen aldikotasuna, formatua, gaiak, generoak eta lurralde eremua zein den zehaztea.

Galderen erantzunak talde handian eta denon artean egingo dira.

2. Ariketa: egunkari baten lehenengo orrialdean agertzen diren atalak zeintzuk diren zehaztu eta hauen funtzioa argitu:

Berria egunkariko bi azal ikusi eta aztertu ondoren, bertan agertzen diren atalen izenak egunkariaren azaleko zein lekutan aurkitzen diren zehaztu beharko dute ikasleek. Ariketaren helburua, beraz, egunkari-azalaren atalak identifikatzea izango da. Horretarako, ikasleak binaka jarrita, gezi bidez lotuko dituzte izenak eta atalak. Behin hori egin ondoren, atal bakoitzaren funtzioa zein den adostuko dute, gero, talde handian iritziak trukatu eta irakaslearen laguntzaz, ondorioak aterako dira.

3. Ariketa: egunkarietako azaletako albisteak identifikatu:

Egunkarietako azalaren atalak identifikatu ondoren, azaletan zeintzuk albiste agertzen diren zehaztuko dute ikasleek. Talde handian egingo dugu ariketa hau, irakasleak, albiste zerrenda arbelean idatziko du.

ALDIZKARIA VS EGUNKARIA

Hasierako ariketa honen helburua, egunkariaren barne antolaketan sakontzea da. 

Horretarako ikasleek izango duzuen aurreneko egitekoa, aldizkaria eta egunkaria bereiztea izango da. Bereizketa hori behar den moduan egiten laguntzeko, ondorengo galdetegia erantzun eta bidali egin behar izango duzue!

ESKOLA ALDIZKARIA

Eskolako aldizkari-digitala sortuko dugu!

Bihilabetean behin argitaratuko dugu eta bertan, guztion laguntzaz bilduko ditugu eskola inguruan gertatzen diren albiste guztiak!

Lan taldeak sortuko ditugu eta bakoitza gai-zehatz batez arduratuko da. Bertan, albisteak, erreportaiak, elkarrizketak eta beste horrenbeste atal edukiko ditugu. 

• ALBISTEAK: Eskolan edukitzen ditugun berri guztiak jasoko ditugu bertan.

• ERREPORTAIAK: Gure interesekoak diren hainbat gai jorratuko ditugu.

• ELKARRIZKETAK: Ikastetxeko irakasle-ikasle ezberdinei egingo dizkiegu, egun pil-pilean dauden gaien inguruan sakontzeko asmoz.

• IRITZI ARTIKULUAK: Bakoitzaren iritzia jakitea gustatuko litzaiguke hainbat arloren buruan.

• ARGAZKIEN TXOKOA: Eskolan antolatzen ditugun ospakizun eta jaialdien argazkiak bilduko ditugu.

Ondorengo egunetan zuetariko bakoitza lan-talde batean edo bitan apuntatu ahal izango da eta astebete barru, martxan hasiko gara!!

Aldizkarietako barne antolamendua zein den ezagutu eta albisteak idazteko oinarrizko elementuak landuko dira besteak beste: albistearen galdera nagusiak zeintzuk diren ezagutu, informazioak ordenatzeko irizpideak landu... Behin hau ikusi eta gero, ikasitakoa praktikan jarri eta haiek aukeratzen duten albiste bat idatziko duzue!